Xitoyning Xiaomi kompaniyasi bolalar uchun Mi Bunny Children Watch 3 smart-soatini chiqardi. Qurilma avvalgi 2c versiyasidan 4G-tarmoqlarni qo‘llab-quvvatlashi bilan farqlanadi, deb yozadi Tom’s Hardware.
Xiaomi Mi Bunny Children Watch 3 1,41 dyuymli va 320×360 pikselli to‘rtburchak AMOLED displey bilan jihozlanadi. Korpus IPX7 standarti bo‘yicha suvdan himoyalangan, bog‘ichi esa ekologik va teri uchun qulay materialdan tayyorlangan.
Smart soatda 2 megapikselli kamera bo‘lib, u o‘simliklar nomlarini aniqlash imkonini beradi. Qurilma bolaning joylashgan joyini ko‘rsatib turadi, shuningdek, u avvaldan belgilangan hududdan chiqayotgani haqida ota-onasini ogohlantiradi.
Soat 24-iyuldan sotuvga chiqdi. U ko‘k va pushti ranglarda 599 yuan (88 dollar)dan sotiladi.
Izoh (0)