Yaqinda internetda paydo bo‘lgan yangi suratlarga qaraganda, Galaxy Note 9 yonlari qayrilgan hamda tepa va pastki qismida ingichka romlari bo‘lgan ekranga ega bo‘ladi, deb yozadi Hi-Tech Mail.Ru.
Yangi qurilmaning dizayni Note 8 nikidan ko‘p ham farq qilmaydi. Asosiy o‘zgarish barmoq izi skanerining gorizontal qo‘sh kamera ostiga ko‘chirilgani bo‘ldi.
Galaxy Note 9 ga 6,4 dyuymli S-AMOLED ekran, Snapdragon 845 yoki Exynos 9810 (Yevropa va Rossiyada) chiplari, 6 Gb tezkor va 128 Gb ichki xotira, o‘zgaruvchan diafragmali qo‘sh kamera va 4000 mA/soat sig‘imli batareya o‘rnatiladi. 8 Gb tezkor va 256 yoki 512 Gb ichki xotirali versiyasi ham bo‘lishi kutilmoqda.
Note 9 da S Pen stilusiga birinchi marta Bluetooth o‘rnatilishi, bu musiqa qo‘yishni va selfi uchun taymerni boshqarish kabi murakkabroq vazifalarni bajarish imkonini berishi mumkin.
Galaxy Note 9 taqdimoti 9-avgustga belgilangan.
Izoh (0)