Хитойнинг Xiaomi компанияси болалар учун Мi Bunny Children Watch 3 смарт-соатини чиқарди. Қурилма аввалги 2c версиясидан 4G-тармоқларни қўллаб-қувватлаши билан фарқланади, деб ёзади Tom’s Hardware.
Xiaomi Mi Bunny Children Watch 3 1,41 дюймли ва 320×360 пикселли тўртбурчак AMOLED дисплей билан жиҳозланади. Корпус IPХ7 стандарти бўйича сувдан ҳимояланган, боғичи эса экологик ва тери учун қулай материалдан тайёрланган.
Смарт-соатда 2 мегапикселли камера бўлиб, у ўсимликлар номларини аниқлаш имконини беради. Қурилма боланинг жойлашган жойини кўрсатиб туради, шунингдек, у аввалдан белгиланган ҳудуддан чиқаётгани ҳақида ота-онасини огоҳлантиради.
Соат 24 июлдан сотувга чиқди. У кўк ва пушти рангларда 599 юан (88 доллар)дан сотилади.
Изоҳ (0)