AQShning Alabama universiteti olimlari guruhi birinchi marta mitoxondriya vazifasini qayta tiklash asosida hayvonlarda yoshartirish sohasida tadqiqot o‘tkazdi. Ish davomida mutaxassislar sichqonlarni qaritib, keyin ularni yoshartirishga muvaffaq bo‘lgan. Bu haqda “Korrespondent.net” xabar berdi.
Olimlar kemiruvchilar mitoxondriyasi DNKsiga POLG geniga taalluqli mutatsiyani kiritgan. Mazkur birlashuv mitoxondriyada mahalliylashtirilgan va u mitoxondrial DNKning replikatsiyasi va qayta tiklanishida ishtirok etadi.
Tadqiqot davomida aniqlanishicha, POLG genining zararlanishi mitoxondriya vazifalarining buzilishiga olib keladi. Bu o‘z o‘rnida energiya zaxiralarini kamaytiradi va qarish belgilarining paydo bo‘lishiga olib keladi.
Yakunda sichqonlarning urug‘langan tuxum hujayrasiga mutatsiya bilan POLG genining qo‘shimcha nusxasi kiritilgan. DNK “harakatga kelgan” va doksitsiklin antibakterial preparati mavjudligi sharoitida polimeraza ishlab chiqarishda ishtirok etishni boshlagan. Bu antibiotikni sichqonlarning ovqatiga qo‘shish boshlangan, bir necha haftadan keyin ularda qarilik belgilari paydo bo‘la boshlagan.
Shundan keyin, doksitsiklin ovqatdan olib tashlanishi bilan POLG mutant nusxasi faolligining bloklanishi boshlangan, o‘z navbatida, kemiruvchilardagi qarish simptomlari to‘liq ortga qaytgan.
Izoh (0)