Amerikalik senator Lindsi Grem Rossiya prezidenti Vladimir Putin tomonidan AQSh prezidenti Donald Trampga sovg‘a qilingan futbol to‘pida eshitish qurilmasi bor-yo‘qligini tekshirib ko‘rishni taklif qildi. Bu haqda “RIA Novosti” xabar berdi.
“Uning o‘rnida bo‘lsam, futbol to‘pida eshitish qurilmasi bor-yo‘qligini tekshirib ko‘rgan bo‘lardim va hech qanaqasiga uning Oq uyga kirishiga yo‘l qo‘ymagan bo‘lardim”, — deb yozgan Grem Twitter’dagi o‘z profilida.
Xelsinkida bo‘lib o‘tgan muzokaralar yakuni bo‘yicha qo‘shma matbuot anjumanida Putin Trampga futbol bo‘yicha Jahon Chempionati to‘pini sovg‘a qilgan. AQSh prezidenti uni o‘z o‘g‘li Berronga yetkazishga va’da bergan.
Izoh (0)