Samarqandlik 71 yoshli otaxon velosipedda Hajga bormoqchi

71 yoshli Shodiqul Egamberdiyev 2011-yilda 1 400 kilometrni bosib o‘tib, shogirdi bilan Samarqanddan Nukusgacha velosipedda borgan. Undan tashqari yana ko‘plab manzillarga velosayohat uyushtirgan. Asli kasbi haydovchi bo‘lgan, ora-sirada velosport bilan shug‘ullangan otaxon endi Haj safariga otlanmoqchi. Bu haqda “Zarnews.uz”ga tayanib Uz24 xabar beradi.

50 kishicha yig‘ilsak, O‘zbekistondan Turkmanistonga, keyin Eron, undan keyin Saudiya Arabistoniga o‘tsak, degan niyatda. Yo‘lda ikki avtobus kuzatsa, biri – oshxona, ikkinchisi – yotoqxona vazifasini o‘taydi. Kuniga 100 kilometr o‘tib, kechga yo‘l chetida avtobusda dam olaverishadi.

Kim istasa, menga sherik bo‘lsin. Avvalambor, sheriklar bilan jiddiy tayyorgarlik ko‘ramiz. Buning uchun O‘zbekiston bo‘ylab sayohat uyushtiramiz. Ularni tekshirib ko‘raman, ular aqlan, ruhan, jismonan tayyor bo‘lishi kerak. Men-ku kuniga 100 kilometr yo‘lni bosib o‘tishga tayyorman, boshqalarni bilmayman-da! Tayyor bo‘lsak, kelasi yil Ramazon oyidan keyin yo‘lga chiqamiz.

Shodiqul Egamberdiyev