O‘zbekiston Afg‘onistonga ikki davlat o‘rtasida erkin savdo tartibini o‘rnatish masalasini ko‘rib chiqishni boshlashni taklif qilmoqda. Bu haqda 17-iyul kuni Tashqi savdo vazirligida Afg‘oniston delegatsiyasi bilan uchrashuv chog‘ida so‘z bordi, deyiladi vazirlik matbuot xizmati xabarida.
Uchrashuvdan ko‘zda tutilgan maqsad mamlakatlar o‘rtasidagi savdo-iqtisodiy aloqalarda rivojlanish va hamkorlikni muhokama qilishdan iborat bo‘ldi.
Afg‘oniston delegatsiyasi O‘zbekiston to‘qimachilik sanoatini tiklash va rivojlantirish, xususan, tajriba almashish va kadrlar tayyorlashda yordam berishga umid bildirdi.
O‘zbekiston tomoni bir qator takliflar kiritdi, ular orasida afg‘onistonlik sarmoyadorlarni davlat-xususiy sektor hamkorligi prinsipi asosida jalb qilish, shuningdek, chegara savdo zonasini tashkil etish masalalari ham muhokama qilindi.
Ma’lumot uchun, 2017-yilda ikki mamlakat o‘rtasidagi o‘zaro tovar ayirboshlash hajmi 19 foizga oshib, 617,1 million dollarni tashkil etdi.
Izoh (0)