Toshkent shahrida chiqindilarni vaqtincha yer ostida saqlovchi maxsus qutilar o‘rnatiladi, deb xabar beradi “Xalq so‘zi”.
Ekologiya qo‘mitasi ma’lum qilishicha, chiqindi qutisining ichida 1100 litr hajmga ega konteyner joylashgan. Agar qutilardan biri chiqindi bilan to‘lgan bo‘lsa-yu, unga axlat to‘la chelak ushlab olgan holda yaqinlashsangiz, to‘la qutining qizil chirog‘i yonib, yonidagi konteynerga o‘tishingiz haqida ogohlantirish beradi.
Eng qizig‘i, ushbu chiqindi qutilari quyosh batareyalari yordamida ishlaydi. Shuningdek, ular joylashgan hududni tasvir olishga mo‘ljallangan kuzatuv kameralari ham o‘rnatilgan.
Eslatib o‘tamiz, Termiz shahridagi Jayhun mahallasida “Bio Texno Eco” mas’uliyati cheklangan jamiyati tomonidan dastlabki chiqindi yig‘ish markazi – “Bioshoxobcha” foydalanishga topshirilgan edi.
Izoh (0)