Bugun, 11-iyul sanasida futbol bo‘yicha Rossiya yashil maydonlarida bo‘lib o‘tayotgan Jahon Chempionati yarim finalining ikkinchi juftlik uchrashuvi bo‘lib o‘tadi.
Unda chorak finalda Rossiya hamda Shvetsiyani qolib ketishga majbur qilgan Xorvatiya hamda Angliya terma jamoalari o‘zaro bellashadi. Bahs Toshkent vaqti bilan 23:00 da boshlanadi. Uchrashuvni turkiyalik Junayt Chaqir boshchiligidagi hakamlar boshqarib boradi. Uchrashuvga Moskvadagi “Lujniki” stadioni mezbonlik qiladi.
Mazkur o‘yin g‘olibi JCh—2018 g‘olibligi uchun final bahsida Fransiyaga qarshi kurashish imkoniyatini qo‘lga kiritadi.
Jahon Chempionati
½ final bellashuvi
11-iyul, chorshanba
Xorvatiya — Angliya 23:00
Bosh hakam: Junayt ChaqirQanot hakamlari: Bahattin Duran, Tariq Ongun (ikkisi—Turkiya),
To‘rtinchi hakam: Byorn Kuypers (Niderlandiya)
Izoh (0)