Madridning “Real” jamoasi portugaliyalik futbol yulduzi, “Oltin to‘p”ning besh karra sohibi Krishtianu Ronalduning jamoadan ketayotganini rasman e’lon qildi. Bu haqda klub rasmiy saytida xabar berildi.
“ “Real” sening doimo uying bo‘lib qoladi”,—deyiladi klubning rasmiy bayonotida.
Avvalroq Krishtining “Yuventus”ga o‘tishi, turinliklar esa futbolchi uchun 105 million yevro to‘lashi haqida xabar berilgan edi. Unga ko‘ra, Ronaldu “Yuventus”da yiliga 30 million yevro ishlab topadi.
33 yoshli portugaliyalik 2009-yilda “Manchester Yunayted”dan “Real”ga o‘tgandi. O‘shanda madridliklar futbolchi uchun 93 million yevro to‘lagandi.
Ispan klubi bilan Ronaldu 13 ta unvonni qo‘lga kiritdi. U to‘rt marta Chempionlar Ligasini, ikki martadan Ispaniya chempionati, Ispaniya Kubogi, Ispaniya Superkubogini, uch marta klublar o‘rtasidagi jahon chempionatini g‘olibligini qo‘lga kiritgan.
Umumiy hisobda Ronaldu “Real”da 438 ta uchrashuv o‘tkazib, 450 ta gol kiritgan. Klub uchun undan ko‘p gol kiritgan futbolchi yo‘q.
Izoh (0)