Мадриднинг «Реал» жамоаси португалиялик футбол юлдузи, «Олтин тўп»нинг беш карра соҳиби Криштиану Роналдунинг жамоадан кетаётганини расман эълон қилди. Бу ҳақда клуб расмий сайтида хабар берилди.
« «Реал» сенинг доимо уйинг бўлиб қолади»,—дейилади клубнинг расмий баёнотида.
Аввалроқ Криштининг «Ювентус»га ўтиши, туринликлар эса футболчи учун 105 миллион евро тўлаши ҳақида хабар берилган эди. Унга кўра, Роналду «Ювентус»да йилига 30 миллион евро ишлаб топади.
33 ёшли португалиялик 2009 йилда «Манчестер Юнайтед»дан «Реал»га ўтганди. Ўшанда мадридликлар футболчи учун 93 миллион евро тўлаганди.
Испан клуби билан Роналду 13 та унвонни қўлга киритди. У тўрт марта Чемпионлар Лигасини, икки мартадан Испания чемпионати, Испания Кубоги, Испания Суперкубогини, уч марта клублар ўртасидаги жаҳон чемпионатини ғолиблигини қўлга киритган.
Умумий ҳисобда Роналду «Реал»да 438 та учрашув ўтказиб, 450 та гол киритган. Клуб учун ундан кўп гол киритган футболчи йўқ.
Изоҳ (0)