Ishchi guruh Toshkentdagi Mirobod, Yunusobod, Sergeli, Mirzo Ulug‘bek, Bektemir, Chilonzor, Shayxontohur tumanlaridagi oshxona, nonvoyxona, kafe, somsaxonalarda tozalik qoidalariga umuman javob bermasligini aniqladi. Bu haqda “O‘zbekiston 24” telekanaliga tayanib, UzNews xabar bermoqda.
Ishchi guruh amalga oshirgan reyd davomida o‘rganilgan nonvoyxona, qahvaxona, oshxona, somsaxonalarning birortasida ham tozalik qoidalariga rioya qilinmasligi, aksincha, turli hashoratlar bemalol harakatlanib yurgani, xizmatchilarning tibbiyot daftarchalari yo‘qligi aniqlandi.
O‘rganishlar davomida ushbu tumanlarda bu ayanchli holatlardan sanitariya-epidemiologiya nazorati, soliq va yong‘in xavfsizligi xodimlari ham ko‘z yumib kelgani ma’lum bo‘ldi.
Izoh (0)