Bugun, 6-iyul sanasida futbol bo‘yicha Rossiyada bo‘lib o‘tayotgan Jahon Chempionatining 1/4 final bahslari boshlandi. Kun taqvimidan 2 uchrashuv o‘rin olgandi.
Chorak finalning dastlabki o‘yini nimchorak finalda Portugaliya va Argentinani qoldirib ketgan Urugvay hamda Fransiya o‘rtasida kechdi. Uchrashuvning 40-daqiqasida Antuan Grizmanning uzatmasini Rafael Varan boshi bilan Fernando Muslera darvozasiga joylab qo‘ydi. Birinchi bo‘lim Fransiyaning 1:0 hisobidagi g‘alabasi bilan yakunlandi.
Ikkinchi bo‘limning 66-daqiqasida bu safar Grizmanning o‘zi jarima maydoniga kirmasdan kuchli zarba berdi, Muslera esa to‘pni to‘xtatishda xatoga yo‘l qo‘ydi. Natjada hisob 2:0 ko‘rinishini oldi. “Daryo” o‘quvchilarining ko‘pchiligi Fransiyaning g‘alabasini taxmin qilgandi.
Shu tariqa Fransiya JCh—2018 ning ilk yarim finalchisiga aylandi.
Jahon Chempionati
1/4 final bellashuvlari
6-iyul, juma
Urugvay — Fransiya 0:2
Gollar: 0:1—40 Varan, 0:2—Grizmann.Urugvay: Muslera, Kaseres, Ximenes, Godin, Laksalt, Torreyra, Nandes (Urretaviskayya, 73), Vesino, Bentankur (Rodriges, 59), Suares, Stuani (Maksi Gomes, 59).
Fransiya: Loris, Pavar, Varan, Umtiti, Lyuka Ernandes, Pogba, Kante, Mbappe (Dembele, 88), Grizmann (Fekir, 90), Tolisso (Nzonzi, 80), Jiru.
Ogohlantirishlar: Lyuka Ernandes (33), Bentankur (38), Rodriges (69), Mbappe (69).
Izoh (0)