“Bunyodkor” stadioni ishchilarining kechikkan 6 oylik maoshlari bugunning o‘zida to‘liq to‘lab berildi

Biroz avval 6 oydan beri maoshini olmagan “Bunyodkor” stadioni ishchilariga 3 oylik ish haqlari berilayotgani haqida xabar berilgan edi.

“Daryo”ning ishonchli manbasiga ko‘ra “Bunyodkor” stadioni ishchi-xodimlariga bugunning o‘zida 6 oylik maoshi to‘lab berildi. Va stadion ishchilarining oldidagi qarz batamom uzildi.

6 oydan beri maosh olmagan stadion xodimlari ish tashlash jarayoniga yetganda, “O‘zbekneftgaz” AJning iqtisod va moliya bo‘yicha boshqaruv raisi o‘rinbosari Ulug‘bek Ashurov “Bunyodkor” stadioniga tashrif buyurgan. Va ishchilar bilan suhbatda bo‘lgan. Kechikkan ish haqlari bilan birga 8-mart—Xalqaro xotin-qizlar bayrami, 21-mart — Navro‘z bayrami, Ramazon hayiti bayramlarida beriladigan mukofot pullari ham ishchilarga berilishi ta’minlangan.