FAO iqtisodchisi O‘zbekistonni Sharqiy Yevropa meva va sabzavot yetishtiruvchilarining asosiy raqobatchilaridan biri deb atadi

FAO (BMTning oziq-ovqat va qishloq xo‘jaligi tashkiloti) investitsiya bo‘limi iqtisodchisi Andrey Yarmak Sharqiy Yevropa meva va sabzavot yetishtiruvchilarining asosiy raqobatchilarini sanab o‘tdi, deb yozadi Spot.

“Moldova, Ukraina va O‘zbekiston — Sharqiy Yevropa va Markaziy Osiyoda eng tez o‘suvchi meva-sabzavot yetishtiruvchilar. O‘zbekiston uzoqda joylashgan bo‘lsa-da, u ba’zi segmentlarda Polsha uchun jiddiy xavf soladi, chunki bir necha yildan keyin gilos va muzlatilgan sabzavotlar eksportga ko‘p chiqariladi. Shuningdek, u Sharqiy Rossiyani arzon olma bilan ta’minlaydi, bu esa Yevropa olmasiga bo‘lgan talabga o‘z ta’sirini o‘tkazadi”, — dedi ekspert Polsha OAVlariga bergan intervyusida.