“Liverpul” bilan yangi shartnoma imzolagan Muhammad Saloh klub tarixiga kirdi

Kecha, 2-iyul sanasida Muhammad Saloh “Liverpul” bilan yangi besh yillik shartnoma imzoladi.

Daily Mail nashri esa Salohning yangi shartnomasi detallarini oshkor qildi. Unga ko‘ra endilikda Muhammad “Liverpul”da haftasiga 200 ming funt sterling ishlab topadi. Avval misrlik 100 ming funt maosh olar edi. Shu tariqa Saloh klub tarixidagi eng ko‘p haq to‘lanadigan futbolchiga aylandi. Undan oldin hech kim bunchalik yuqori maosh olmagan.

Shuningdek, futbolchi APLdagi eng ko‘p haq to‘lanadigan futbolchilar o‘nligiga ham kirdi va 8-pog‘onadan joy oldi.

1. Aleksis Sanches “Manchester Yunayted” — 350 ming funt sterling
2. Harri Keyn “Tottenhem” — 300 ming funt
3. Mesut O‘zil “Arsenal” — 300 ming funt
4. Pol Pogba “Manchester Yunayted” — 290 ming funt
5. Kevin de Bryuyne “Manchester Siti” — 280 ming funt
6. Romelu Lukaku “Manchester Yunayted” — 250 ming funt
7. Serxio Aguero “Manchester Siti” — 220 ming funt
8. Muhammad Saloh “Liverpul” — 200 ming funt
9. David de Xea “Manchester Yunayted” — 200 ming funt
10. Eden Azar “Chelsi” — 200 ming funt