Afg‘oniston armiyasi maxsus topshiriqli bo‘linmalari mamlakat shimoli-g‘arbidagi Jauzjan viloyati Darzab uyezdi markazida qamalda bo‘lgan 100 dan ortiq harbiylar va politsiya xodimlarini qamaldan chiqarish bo‘yicha operatsiyani boshladi, deb yozadi “Interfaks”.
Armiya vakilining so‘zlariga ko‘ra, uyezd markaziga maxsus topshiriqli bo‘linma desant tushirgan, shuningdek, harbiylar uyezd markazi yaqinida joylashgan Qizil Qishloq aholi punktini ham qo‘lga olishga muvaffaq bo‘lgan.
120 dan ortiq harbiylar, politsiyachilar va xavfsizlik xodimlari IShID terrorchilik guruhi jangarilari tomonidan Darzab uyezdi markazida qamal qilib qo‘yilgan. Politsiya boshlig‘i ma’lum qilishicha, terrorchilar to‘rt kundan buyon Darzab uyezdi markaziga bir nechta tomondan hujum uyushtirmoqda, shahar himoyachilarida o‘q-dorilar va oziq-ovqat tugab bormoqda.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)