O‘zbekiston bosh vaziri Abdulla Aripov 23 iyun, shanba kuni Samarqandga tashrifi vaqtida shaharning bir muddat avval qurilish ishlari olib borilgan tarixiy qismlarini borib o‘rgangan, deya xabar bermoqda “Gazeta.uz”.
Hukumat rahbari YuNESKO Butunjahon merosi ro‘yxatiga kiritilgan hududlardagi har qanday qurilish va obodonlashtirish ishlarini O‘zbekiston qonunchiligi va xalqaro hujjatlarga to‘liq rioya etgan holda amalga oshirish haqida ko‘rsatma bergan.
Bundan tashqari, bosh vazir Abdulla Aripov yo‘l qo‘yilgan qoidabuzarlik holatlari bo‘yicha eng qattiq choralarni ko‘rish haqida ham topshiriq bergan.
Avvalroq, Samarqandning tarixiy Yevropa qismida tarixiy ob’ektlarni buzib tashlash hisobidan ko‘p qavatli turar joy binolari qurilishi olib borilayotgani, jamoatchilikning keskin noroziligidan so‘ng, shahar hokimligi qurilish ishlarini to‘xtatgani haqida xabar berilgan edi.
Izoh (0)