Ўзбекистон бош вазири Абдулла Арипов 23 июнь, шанба куни Самарқандга ташрифи вақтида шаҳарнинг бир муддат аввал қурилиш ишлари олиб борилган тарихий қисмларини бориб ўрганган, дея хабар бермоқда «Газета.uz».
Ҳукумат раҳбари ЮНЕСКО Бутунжаҳон мероси рўйхатига киритилган ҳудудлардаги ҳар қандай қурилиш ва ободонлаштириш ишларини Ўзбекистон қонунчилиги ва халқаро ҳужжатларга тўлиқ риоя этган ҳолда амалга ошириш ҳақида кўрсатма берган.
Бундан ташқари, бош вазир Абдулла Арипов йўл қўйилган қоидабузарлик ҳолатлари бўйича энг қаттиқ чораларни кўриш ҳақида ҳам топшириқ берган.
Аввалроқ, Самарқанднинг тарихий Европа қисмида тарихий объэктларни бузиб ташлаш ҳисобидан кўп қаватли турар жой бинолари қурилиши олиб борилаётгани, жамоатчиликнинг кескин норозилигидан сўнг, шаҳар ҳокимлиги қурилиш ишларини тўхтатгани ҳақида хабар берилган эди.
Изоҳ (0)