Namangan viloyatida O‘zbekiston Yoshlar ittifoqi Markaziy kengashi tomonidan tashkil etilgan mediatur tadbirlari bo‘lib o‘tmoqda. Bu haqda “Daryo” muxbiri ma’lum qildi.
Mediaturda markaziy matbuot, telekanallar, internet nashrlarida faoliyat yuritayotgan 30 nafardan ortiq jurnalist ishtirok etmoqda. Undan ko‘zda tutilgan maqsad Namangan viloyati, xususan, Norin tumanida “Obod qishloq” dasturi doirasida amalga oshirilayotgan ishlarni mamlakat miqyosida targ‘ib qilishdan iborat.
Jurnalistlar dastlab Namangan viloyati teleradiokomaniyasi faoliyati, u yerda yaratilgan sharoitlar bilan tanishdi.
Ishtirokchilar Namangan yoshlar markazida faol yoshlari bilan muloqotda bo‘ldi. Bu yerda o‘tkazilgan davra suhbatida tajribali jurnalistlar kelajakda shu sohada ishlashni orzu qilayotgan yoshlarni qiziqtirgan savollarga javob qaytardi.
Tadbirning birinchi kuni To‘raqo‘rg‘on tumanidagi Ishoqxon to‘ra Ibrat majmuasiga sayohat bilan yakunlandi. Endi ishtirokchilar Norin tumanida ijtimoiy aksiyalarda qatnashib, “Obod qishloq” dasturi asosida amalga oshirilgan ishlar bilan tanishadi.
Izoh (0)