Наманган вилоятида Ўзбекистон Ёшлар иттифоқи Марказий кенгаши томонидан ташкил этилган медиатур тадбирлари бўлиб ўтмоқда. Бу ҳақда «Дарё» мухбири маълум қилди.
Медиатурда марказий матбуот, телеканаллар, интернет нашрларида фаолият юритаётган 30 нафардан ортиқ журналист иштирок этмоқда. Ундан кўзда тутилган мақсад Наманган вилояти, хусусан, Норин туманида «Обод қишлоқ» дастури доирасида амалга оширилаётган ишларни мамлакат миқёсида тарғиб қилишдан иборат.
Журналистлар дастлаб Наманган вилояти телерадиокоманияси фаолияти, у ерда яратилган шароитлар билан танишди.
Иштирокчилар Наманган ёшлар марказида фаол ёшлари билан мулоқотда бўлди. Бу ерда ўтказилган давра суҳбатида тажрибали журналистлар келажакда шу соҳада ишлашни орзу қилаётган ёшларни қизиқтирган саволларга жавоб қайтарди.
Тадбирнинг биринчи куни Тўрақўрғон туманидаги Иcҳоқхон тўра Ибрат мажмуасига саёҳат билан якунланди. Энди иштирокчилар Норин туманида ижтимоий акцияларда қатнашиб, «Обод қишлоқ» дастури асосида амалга оширилган ишлар билан танишади.
Изоҳ (0)