Vengriya parlamenti “Stop Soros” nomi ostida ma’lum bo‘lgan bir qator qonunlarni ma’qulladi. Mazkur qonunlar nohukumat tashkilotlarga nisbatan cheklovlarni amalga kiritadi va noqonuniy muhojirlarga yordam berishni jinoyat sifatida talqin qiladi. Bu haqda “RIA Novosti” xabar berdi.
Xabar berilishicha, deputatlar ko‘pchilik ovoz bilan konstitutsiyaga kiritiladigan o‘zgartirishni ham ma’qullagan. Konstitutsiyaga kiritilayotgan qoida “xorijiy aholi” uchun mamlakatga doimiy asosda ko‘chib kelishni noqonuniy etib belgilaydi.
Avvalroq Vengriya hukumati tomonidan parlamentga kiritilgan “Stop Soros” qonun loyihalarining yangi talqini noqonuniy muhojirlarga moliyaviy yordam berganlik yoki ularni qo‘llab-quvvatlovchi tashkiliy faoliyat bilan shug‘ullanganlik uchun jinoiy javobgarlikni amalga kiritishni ko‘zda tutadi.
Izoh (0)