18-iyun sanasida Rossiyada bo‘lib o‘tayotgan Jahon Chempionati doirasida 1-tur o‘yinlari davom ettirildi.
Avvalroq “G” guruhidan o‘rin olgan Belgiya hamda Panama terma jamoalari 1-tur bellashuvini o‘tkazdi. Uchrashuv Belgiyaning yirik, 3:0 hisobidagi g‘alabasi bilan yakunlandi.
Guruhning ikkinchi o‘yini esa Angliya hamda Tunis terma jamoalari o‘rtasida bo‘lib o‘tdi. Angliya uchrashuvning 11-daqiqasida Harri Keynning goli sabab hisobda oldinga chiqib oldi. Biroq 35-daqiqaga kelib Kayl Uoker tunislik futbolchiga nisbatan qo‘pollik ishlatdi. O‘yin bosh hakami Vilmar Roldan esa Angliya darvozasiga 11 metrlik jarima zarbasini belgiladi. Farjani Sassi esa Jordan Pikfordni dog‘da qoldirib, hisobni 1:1 ko‘rinishiga keltirdi.
Ikkinchi bo‘limning so‘nggi daqiqasida Harri Keyn bosh bilan gol urib, Angliyaning mundialni g‘alaba bilan boshlashini ta’minladi.
Jahon Chempionati
“G” guruhi, 1-tur bellashuvi
18-iyun, dushanba
Tunis—Angliya 1:2
Gollar: 0:1 — 11 Harri Keyn, 1:1 — 35, penalti Farjani Sassi, 1:2 — 90 Harri Keyn.Tunis: Assen (Ben-Mustafa, 15), Bronn, Ben-Yussef, Merya, Maalul, Skiri, Ben-Yussef, Sassi, Badri, Sliti (Ben-Amor, 74), Hazri (Xalifa, 85).
Angliya: Pikford, Uoker, Stounz, Maguayr, Xenderson, Trippyer, Yang, Lingard (Dayer, 90), Alli (Loftus-Chik, 80), Sterling (Reshford, 68), Keyn.
Ogohlantirish: Uoker (33).
Izoh (0)