Birlashgan Arab Amirliklarida ikkala oyog‘i ham kesib tashlangan va nogironlar aravachasida harakatlanadigan erkak mamlakatda 3D-printerdan chiqarilgan protezga ega bo‘lgan birinchi fuqaro bo‘ldi, deb yozadi UAE Inside.
25 yoshli dubaylik Fahd Muhammad Ali 15 yildan ortiq yog‘och protez oyoq taqqan, endi esa o‘ziga atab yasalgan 3D-printerda yasalgan protezda harakatlanmoqda.
“Bu juda ajoyib. Bu protezlar bilan bemalol yurishim, yugurishim, velosiped uchishim va boshqa harakatlarni ham bajarishim mumkin”, — dedi u.
Dubay elektr energiyasi va suv resurslari boshqarmasida muhandis yordamchisi bo‘lib ishlaydigan Ali yangi protezini “hayotini o‘zgartirib yuborgan narsa” deb atadi.
Protez yasashdan avval bemorning kesib tashlangan oyoqlari bir necha marta 3D-skanerlangan. Shundan so‘ng protezning ichki shaklini ishlab chiqish va modifikatsiyalash uchun CAD dasturiy ta’minotidan foydalanilgan. Keyin 3D-printerda sinov nusxasi chiqarib olingan, o‘lchami qayta tekshirilib, kiritiladigan o‘zgartirishlar belgilab olingach, yakuniy protezlar yasalgan.
Izoh (0)