Toshkentda davlatga qarashli ikkita stomatologik poliklinika sotuvga qo‘yildi

Toshkent shahridagi ikkita stomatologik klinikani sotuvga qo‘yildi. Bu haqda, Davlat raqobat qo‘mitasiga asoslanib, Spot xabar berdi.

Toshkent shahridagi 2-sonli hamda 4-sonli stomatologik poliklinikalarning bino va inshootlari sotuvga qo‘yilgan.

Birinchi obyekt Olmazor tumani, Qoraqamish 2/4 dahasida joylashgan. Umumiy maydoni 0,40 — gektar, binolar 1,4 ming kvadrat metrni egallagan. Narxi — 6,5 million so‘m.

Ikkinchi obyekt Yashnobod tumanidagi Karimov ko‘chasida joylashgan. Umumiy maydoni — 0,14 gektar, binolar egallagan maydon — 1 ming kvadrat metr. Narxi — 4,9 million so‘m.

Poliklinikalar O‘zbekiston Prezidentining “Xususiy tibbiyot tashkilotlarini yanada rivojlantirish bo‘yicha qo‘shimcha shart-sharoitlarni yaratish to‘g‘risida”gi farmoniga muvofiq sotilmoqda.

To‘lov shartlari va amaliyoti haqida batafsil ma’lumotlar bilan Davlat raqobat qo‘mitasining veb-sayti orqali tanishish mumkin.