Stokgolmda 28 yoshda vafot etgan Avicii taxallusi ostida ijod qilgan Tim Bergling dafn etildi. Bu haqda Daily Mail xabar bermoqda.
Motam marosimi begonalar uchun yopiq tarzda o‘tdi.
Musiqachining o‘limi sabablari hozirgacha oshkor etilmagan. Biroq may oyining boshida Avicii’ning o‘z joniga qasd qilgani va ko‘p qon yo‘qotgani ma’lum qilingan edi.
Tim Bergling joriy yilning 20-aprelida Ummonning Maskat shahrida hayotdan ko‘z yumgan edi. Musiqachi bu shaharga do‘stlarini ko‘rish uchun borgan edi.
Didjey so‘nggi bir necha yil ichida sog‘lig‘idagi muammolardan aziyat chekkan edi.
Izoh (0)