Tarkibida asli o‘zbekistonlik tennischi bo‘lgan Wake Forest jamoasi AQShdagi Talabalar sporti milliy assotsiatsiyasi musobaqasida g‘olib bo‘ldi. G‘oliblar jamoa a’zolarini AQSh prezidenti Donald Tramp o‘zining Oval kabinetida qabul qildi, deb yozadi “Repost.uz”.
Wake Forest mavsum davomida o‘zi ishtirok etgan 4 ta musobaqada g‘olib chiqishga erishdi. Mazkur g‘alabalar tufayli Donald Tramp jamoa a’zolarini shaxsan o‘zi tabriklashga qaror qilgan.
Wake Forest tarkibidagi O‘zbekiston fuqarosi bo‘lgan yagona tennischi Alan Gadjiyevdir. Alan ham Tramp bilan uchrashishga muvaffaq bo‘ldi.
“Bu fantastik jamoa. Hammangizni g‘alaba bilan tabriklayman. Sizlarning shu yerda ekanligingizdan xursandman. Ha, aytgancha, bizda ham yaxshi tennis maydoni bor, agar mashq qilishni xohlasangiz, buni istalgan vaqtda bajarishingiz mumkin”,—deydi Tramp.
Ma’lumot uchun Alan Gadjiyev 1996-yilda Toshkentda tug‘ilgan va ES International School’ni tamomlagan.
NCAA — Talabalar sporti milliy assotsiatsiyasi AQShda tashkil topgan. Uning tarkibida 1281 ta muassasa mavjud. Assotsiatsiya kollej va universitetlar o‘rtasida musobaqalar tashkil etadi.
Izoh (0)