Xitoyning Weibo ijtimoiy tarmog‘ida noodatiy video paydo bo‘ldi, deb yozadi “Motor”. Unda qabristonda qabr ichiga kumushrang Hyundai Sonata sedanini tushirishayotgani aks etgan.
Hodisa Xitoyning Xebey provinsiyasi Baodin shahrida yuz bergan. Video muallifi ma’lum qilishicha, mashina ichiga uning egasining jasadini solib dafn qilishgan.
“Marhumning vasiyati shunaqa edi. Uni tobut o‘rniga, mashina ichiga solib dafn qilishlarini xohlagandi. U yoshligidan mashinalarni juda yaxshi ko‘rardi”, — deya dafn marosimi chog‘ida marhum haqida gapirishgan.
Izoh (0)