Chililik tadbirkor Kamilo Briseno Ripley do‘konlar tarmog‘ida 58 kilogramm avokado evaziga Motorola Moto X4 smartfonini sotib oldi. Qurilmaning odatiy narxi 190 ming pesoni (taxminan 300 dollar) tashkil qilgan, deb yozmoqda TJournal.
So‘nggi vaqtlarda Chili mamlakat ichida keng iste’mol qilinadigan avokado taqchilligiga duch kelgan. Uning narxi oshib ketgan va bir kilogrammi uchun besh ming pesodan (8 dollardan) ko‘proq to‘lashga to‘g‘ri kelgan. Shu sababli Ripley tarmog‘i oddiy narx bilan bir qatorda “avokadoga ekvivalent narx”ni ham qo‘ygan. Bu CyberDay reklama aksiyasi doirasida amalga oshirilgan.
Aksiya boshlanganidan bir necha kundan so‘ng do‘konlardan birida bir necha qop avokado bilan Briseno paydo bo‘lgan. Yakunda u mevalardan Moto X4 ni sotib olish uchun foydalangan.
29 yoshli Briseno Chilida “Avokado-bola” nomi ostida mashhur hisoblanadi. U butun dunyo bo‘ylab omadli avokado yetkazib beruvchi sanaladi.
Izoh (0)