Чилилик тадбиркор Камило Брисено Ripley дўконлар тармоғида 58 килограмм авокадо эвазига Motorola Moto X4 смартфонини сотиб олди. Қурилманинг одатий нархи 190 минг песони (тахминан 300 доллар) ташкил қилган, деб ёзмоқда TJournal.
Сўнгги вақтларда Чили мамлакат ичида кенг истеъмол қилинадиган авокадо тақчиллигига дуч келган. Унинг нархи ошиб кетган ва бир килограмми учун беш минг песодан (8 доллардан) кўпроқ тўлашга тўғри келган. Шу сабабли Ripley тармоғи оддий нарх билан бир қаторда «авокадога эквивалент нарх»ни ҳам қўйган. Бу CyberDay реклама акцияси доирасида амалга оширилган.
Акция бошланганидан бир неча кундан сўнг дўконлардан бирида бир неча қоп авокадо билан Брисено пайдо бўлган. Якунда у мевалардан Moto X4 ни сотиб олиш учун фойдаланган.
29 ёшли Брисено Чилида «Авокадо-бола» номи остида машҳур ҳисобланади. У бутун дунё бўйлаб омадли авокадо етказиб берувчи саналади.
Изоҳ (0)