1-iyunning e’tiborga molik yangiliklari — “Daryo”ning kechki dayjestida.
1. Shavkat Mirziyoyev Toshkentni aylanishni boshladi. Birinchi bo‘lib yangi aeroport qurilishini borib ko‘rdi. Shundan so‘ng Prezident uch qavatli yo‘l qurilishini, yer usti halqa metro yo‘li qurilishini, Humo Arena qurilishini, “Bunyodkor” stadioni oldidagi yo‘l o‘tgazgich qurilishini borib ko‘rdi. Chilonzor mahallalarida bo‘ldi.
2. Shavkat Mirziyoyev Tashkent City qurilishi bilan tanishdi. Sitida qurilajak loyihalarning hozirgi kun uchun aktual suratlarini bu yerda tomosha qilishingiz mumkin.
3. O‘zbekistonda turistlar tashrif buyurishi taqiqlangan hududlar ochildi. O‘zbekistonda chet elliklardan vaqtinchalik propiska uchun javobgarlik olib tashlandi.
4. GM Uzbekistan shu yilning o‘zida Chevrolet Tracker krossoverini ishlab chiqarishni boshlaydi. Mazkur avtomobil 2016-yilda o‘zbek avtomobilsozlari tomonidan murakkab sharoitlarda sinovdan o‘tkazilgandi.
5. Yoshlar ittifoqining “Iftixor” jamoasi futbolchilarini vaxshiylarcha kaltaklagan klub direktori va jamoa murabbiyi butun umrga futboldan chetlatildi. Klub direktori Ahror Ergashev va jamoa katta murabbiyi Nodir Qo‘ziboyev ikki futbolchining shifoxonaga tushishiga sababchi bo‘lgan.
6. Abdulla Qurbonov intervyuda “Million” jamoasini “Million basharalar” degani uchun “O‘zbekkonsert” tomonidan tanbeh berildi. “Bundan keyin intervyu berishda ham o‘zingizga ehtiyot bo‘linglar”, — dedi “O‘zbekkonsert” rahbari.
Izoh (0)