Toshkent viloyati O‘rta Chirchiq tumani Yangi hayot mahallasi Bog‘i Eram 2-ko‘chasi raqamsiz uyda istiqomat qiluvchi 38 yoshli Sherzod Shobaratov yaxshi insonlar ko‘magiga muhtoj.
Sherzod 2017-yil 8-sentabr kuni baxtsiz hodisaga uchragan. U o‘shanda Rossiyada qurilishda ishlayotgan edi. Sherzod ko‘p qavatli uyning beshinchi qavatidan pastga yiqilib tushdi. U og‘ir tan jarohatlari bilan shifoxonaga yotqizildi.
Sherzod o‘ng tomonlama torakotsintez va o‘ng son suyagi BIOS jarrohlik amaliyotini boshdan kechirdi. Shu-shu to‘rt muchasi so‘g paytda ishlashga kelgan Sherzod jismoniy imkoniyatlari cheklangan fuqarolar safidan joy oldi.
Uning tashxisi: Qo‘shma politravma, BMYOJ, BMCH. O‘ng tomon ko‘krak qafasi qovurg‘alarining orqa qo‘ltiq osti chizig‘i bo‘yicha yopiq sinib siljishi. Gemotoraks, o‘ng o‘pka pastki bo‘lagining lat yeyishi.
Umurtqaning VLV’ni kompression 1-darajali yopiq sinishi.
“2017-yilning avgust oyida oilamni boqish uchun Rossiya davlatiga ishlashga bordim. Qurilishda ishlayotgan mahalimda 16,5 metr balandlikdan tushib ketgandim. Chap oyog‘im parchalanib ketgandi.
O‘ng oyog‘im uch joyidan singandi. Umurtqa pog‘onam va 12 ta qovurg‘am ham sinib ketgandi. Mo‘jiza yuz berib, tirik qoldim.
Ayolim meni 2 oylik chaqalog‘i bilan Moskvadagi shifoxonalarning birida davolatdi. O‘zbekistonga qaytib kelib, bir necha bor og‘ir operatsiyalarni boshimdan o‘tkazdim. Navbatda fizioterapiya kurslari va ikkita operatsiya turibdi.
Men bir necha oy hushsiz yotdim. Aytishlaricha, 3 marta klinik o‘limni boshimdan o‘tkazibman. Yashamasa kerak deyishgandi, yashab ketdim.
Umurtqasi singan, yura olmaydi deyishgandi. Oyoqlarim qimirlab, ikki yilda oyoqqa turishim mumkinligini shifokorlar aytishdi.
Alloh mehribon ekan, sinov berdi. Tuzalish arafasidaman. Hozir nogironlik nafaqamga (162 ming so‘m) oilam bilan (to‘rt kishi) kun kechirmoqdamiz. Boshqa daromad manbayimiz yo‘q.
O‘g‘limning maktabga borib kelishiga ham pul berib turibmiz. Undan tashqari, 11 oylik yosh bolamiz bor.
Oilam bilan bir xonali (4x4) xonada qishni o‘tkazdik. Rafiqam Sevaraxon hozirgacha bor-budini sotib, qarzga botib meni davolatib kelgan. Nolimayman, vaqtida insonlar yordam qilishdi. Hozir yaxshi insonlarning xolis ko‘magiga muhtojman. Kim yordam bersa, Alloh ajrini bersin. Yaratgandan so‘rab qolaman”, — deydi u.
Saxovatpesha insonlardan Sherzod Shobaratovaning sog‘ayib yurib ketishiga imkon qadar hissa qo‘shishni so‘raymiz!
Xayriya qilmoqchi bo‘lganlar uchun kerakli ma’lumotlar:
Plastik karta orqali: (Click, Payme) Sherzod Shobaratov.
Agrobank: 8600 0417 8924 1461
Sherzod Shobaratovning telefon raqami: +99890 988 75 22
Telegram: +905349607464
Izoh (0)