Olimjon Isayev hukumat qarori bilan “O‘zagrokimyohimoya” aksiyadorlik jamiyati boshqaruvi raisi etib tayinlandi. Bu haqda jamiyat matbuot xizmati xabar bermoqda.
Mazkur vazifada ishlab kelgan Ulug‘bek Oxunov lavozimidan ozod etilgan.
Olimjon Isayev 1972-yilda Namanganda tug‘ilgan. U mazkur lavozimga tayinlangunga qadar “Mexmash” MCHJ kuzatuv kengashi raisi, viloyat futbol assotsiatsiyasi vitse-prezidenti bo‘lib ishlab kelayotgandi.
Ma’lumot uchun, “O‘zagrokimyohimoya” AJ Prezidentning 2016-yil 24-oktabrdagi qaroriga asosan tashkil etilgan bo‘lib, asosiy vazifasi qishloq xo‘jaligini mineral o‘g‘itlar, o‘simliklarni kimyoviy va biologik himoya qilish vositalari bilan ta’minlash, zararkunandalar, o‘simliklar kasalliklari va yovvoyi o‘tlarga qarshi kurashish bo‘yicha yagona texnik va texnologik siyosatni olib borish hisoblanadi.
Izoh (0)