Chet el ijodiy guruhlariga O‘zbekiston hududiga uchuvchisiz uchar qurilmalari, shu jumladan, dronlarni vaqtinchalik olib kirish va ulardan foydalanish ruxsat etildi, deb yozadi Spot Turizmni rivojlantirish davlat qo‘mitasiga tayanib.
Yangi tartibga ko‘ra, ijodiy guruhlar Turizmni rivojlantirish davlat qo‘mitasi, Madaniyat vazirligi, “O‘zbekkino” Milliy agentligiga murojaat qilib, ijodiy guruh va suratga olish joylari haqidagi ma’lumotni taqdim etgan holda ruxsatnoma berishni so‘raydi.
Bu mamlakatning sayyohlik salohiyatini yuksaltirish maqsadida amalga oshirilmoqda.
Ma’lumot uchun, 2015-yil 1-yanvardan O‘zbekistonga uchuvchisiz uchar qurilmalarni olib kirish, sotish va foydalanishga to‘liq taqiq qo‘yilgandi. 2016-yil mayidan boshlab esa hukumat o‘zining alohida qarorlari bilan uchuvchisiz uchar qurilmalarni import qilish, sotish va parvozlariga ruxsat berish imkoniyatlarini ko‘rib chiqishi ma’lum qilindi.
Izoh (0)