Олимжон Исаев ҳукумат қарори билан «Ўзагрокимёҳимоя» акциядорлик жамияти бошқаруви раиси этиб тайинланди. Бу ҳақда жамият матбуот хизмати хабар бермоқда.
Мазкур вазифада ишлаб келган Улуғбек Охунов лавозимидан озод этилган.
Олимжон Исаев 1972 йилда Наманганда туғилган. У мазкур лавозимга тайинлангунга қадар «Мехмаш» МЧЖ кузатув кенгаши раиси, вилоят футбол ассоциацияси вице-президенти бўлиб ишлаб келаётганди.
Маълумот учун, «Ўзагрокимёҳимоя» АЖ Президентнинг 2016 йил 24 октябрдаги қарорига асосан ташкил этилган бўлиб, асосий вазифаси қишлоқ хўжалигини минерал ўғитлар, ўсимликларни кимёвий ва биологик ҳимоя қилиш воситалари билан таъминлаш, зараркунандалар, ўсимликлар касалликлари ва ёввойи ўтларга қарши курашиш бўйича ягона техник ва технологик сиёсатни олиб бориш ҳисобланади.
Изоҳ (0)