May oyining o‘rtalarida NASA suratkashi Bill Ingalls SpaceX kompaniyasiga tegishli Falcon 9 raketasining uchirilishini tasvirga olish vaqtida erib ketgan fotoparat suratini e’lon qilgan edi. Kameraning surati ijtimoiy tarmoqlarda virus kabi tarqaldi, deb xabar beradi Meduza.
Foydalanuvchilar suratkashni kamerani uchirish bazasiga juda yaqin joylashtirganlikda ayblamoqda. Ayrimlar esa Ingallsni suratga olish borasida hech nimani bilmaydigan havaskor deb atamoqda.
25-may kuni NASA saytida kameraga aslida nima bo‘lgani haqida tushintirish berilgan. “Mening masofadan turib boshqariladigan oltita kameram bor edi. Ikktasi uchirish maydonchasida, to‘rttasi — uning ichida edi. Afsuski, uchirish vaqtida atrofdagi o‘tlar yonib ketdi va ular fotoappratga zarar yetkazdi, — deydi suratkash. Yonib ketgan kamera uchirish maydonchasidan 400 metr uzoqlikda edi. Agentlikning ta’kidlashicha, Ignalls — NASA’da 30 yildan buyon ishlab kelayotgan o‘z ishining ustasi hisoblanadi.
Fotoparat yonib ketguniga qadar u bir nechta suratlarni tushirishga ulgurib qolgan.
Ushbu kamera NASA’ning Vashingtondagi shtab-kvartirasida ko‘rgazmaga qo‘yiladi.
Izoh (0)