AQSh prezidenti Donald Tramp Vashington KXDR bilan sermahsul muzokaralar olib borayotganini, shuningdek, sammit zarurat tug‘ilganida uzaytirilishi mumkinligini ma’lum qildi. Bu haqda u o‘zining Twitter’dagi sahifasiga yozib qoldirgan, deb xabar beradi “Gazeta.ru”.
“Biz Shimoliy Koreya bilan sammitning o‘tkazilishi borasida juda ham sermahsul muzokaralarni olib bormoqdamiz. Agarda barchasi ko‘ngildagidek amalga oshsa, sammit 12-iyun kuni Singapurda bo‘lib o‘tadi, zarurat tug‘ilsa cho‘zilishi ham mumkin”, — deb yozadi AQSh prezidenti.
Eslatib o‘tamiz, Donald Tramp KXDR rahbari Kim Chen In bilan 12-iyun kuni Singapurda bo‘lib o‘tishi kerak bo‘lgan uchrashuvni bekor qilgani haqida xabar berilgandi. Shimoliy Koreya hukumati esa AQSh bilan munosabatlarni tiklash umidida ekanini va istalgan vaqtda uchrashuvga tayyorligini bildirgan.
Izoh (0)