Pxenyan AQSh vitse-prezidenti Maykl Pensning KXDR yadro qurolidan voz kechmasa, uning boshiga Liviyaning qismati tushishi haqidagi gaplarini keskin tanqid ostiga oldi, deb yozadi “TASS”.
“AQSh vitse-prezidenti Maykl Pens KXDRning boshiga Liviyaning kuni tushishi mumkinligi, Vashington yechimning harbiy variantlarini ko‘rib chiqayotganligi, unga to‘liq, nazorat ostidagi va ortga qaytarib bo‘lmaydigan yadrosizlanish kerakligi haqida haddan oshiq va qo‘pol bayonot berdi”, — deyiladi KXDR tashqi ishlar vaziri Chxve Son Xining bayonotida.
“AQSh bilan munosabatlarga aloqador odam sifatida, men Amerika vitse-prezidenti tomonidan nodonlarcha aytilgan bunday ahmoqona so‘zlar yuzasidan hayratimni yashira olmayman”, — deya qo‘shib qo‘ydi u.
Pens avvalroq Fox News telekanaliga bergan intervyusida Pxenyan yadro qurolidan voz kechmasa, KXDRda Liviyada sodir bo‘lib, Qaddafiy rejimining qulashiga olib kelgan voqealarga o‘xshash holat yuz berishini aytgan edi.
Izoh (0)