1-iyun kuni Dushanbeda MDH mamlakatlari hukumat rahbarlarining uchrashuvi bo‘lib o‘tadi, unda 14 ta hujjat loyihasi ko‘rib chiqilishi rejalashtirilmoqda, deb yozadi Kazakhstan Today tashkilot ijroiya qo‘mitasiga tayanib.
Ko‘rib chiqiladigan hujjatlar loyihalari iqtisodiy, gumanitar sohalar va MDH doirasidagi hamkorlikning boshqa yo‘nalishlaridagi o‘zaro aloqalarni kengaytirish va chuqurlashtirishga qaratilgan.
Tor formatda iqtisodiy hamkorlikning dolzarb masalalari bo‘yicha fikr almashish, MDH hukumat rahbarlarining navbatdagi majlisi o‘tkaziladigan vaqt va joyni kelishib olish va boshqalar rejalashtirilgan bo‘lsa, keng tarkibdagi yig‘ilishda iqtisodiyot sohasidagi bir qator hujjatlarni ko‘rib chiqish ko‘zda tutilgan.
Izoh (0)