O‘zbekiston Turizmni rivojlantirish davlat qo‘mitasi delegatsiyasi Gretsiyaga tashrifi chog‘ida mamlakat turizm vaziri Yelena Kuntura bilan uchrashuv o‘tkazdi, deb yozadi “Kommersant.uz”. Yaqinda Gretsiya fuqarolari uchun O‘zbekistonga kirish vizalarini olishning soddalashtirilgan tartibi joriy qilingani qayd etildi.
O‘zbekiston delegatsiyasi o‘zbekistonliklarning Gretsiyaga viza olishda qiyinchiliklarga duch kelayotganiga e’tibor qaratdi. Ayni paytda vizani kutish muddati uch oygacha qisqartirilgan. Muammoni hal qilishda O‘zbekistonda Gretsiya viza markazining ochilishi yordam berishi mumkin.
Gretsiya vazirligi vakillari bu taklifga rozi bo‘ldi. Yelena Kuntura ta’kidlashicha, O‘zbekistonda viza markazi ochilsa, O‘zbekiston fuqarolari Gretsiyaga kirish vizalarini ko‘pi bilan ikki hafta ichida olishi mumkin bo‘ladi.
Izoh (0)