Innovatsion rivojlanish vaziri Ibrohim Abdurahmonov Toshkentda Turkiyaning Favqulodda va muxtor elchisi Ahmad Bashar Shen bilan uchrashdi. Bu haqda “Daryo”ga vazirlik matbuot xizmati ma’lum qildi.
Muzokaralar davomida O‘zbekiston tomoni Innovatsiya vazirligi jahonning yetakchi davlatlari, jumladan, Turkiya bilan hamkorlikni faollashtirish, innovatsion rivojlanish yo‘nalishdagi davlat dasturlarini amalga oshirishda turk tajribasini jalb qilish orqali innovatsion rivojlanishni kuchaytirishga mas’ul ekanini qayd etdi.
Tomonlar ikki davlat o‘rtasidagi hamkorlikning quyidagi jihatlarini muhokama qildi:Raqamli texnologiyalar, energetika, qishloq xo‘jaligi va turizm sohalardagi innovatsion loyihalarni ishlab chiqishda investitsiyalarni jalb qilish;
Innovatsion jarayonlarni rivojlantirishga qaratilgan qo‘shma o‘quv dasturlarini ishlab chiqish;Birgalikda texnoparklar, jumladan, bolalar uchun texnoparklar yaratish imkoniyati;
Yetakchi turk ishlab chiqaruvchilarini jalb etgan holda innovatsion g‘oyalar, ishlanmalar va texnologiyalarni yaratish va tijoratlashtirish bilan shug‘ullanadigan zamonaviy ilmiy-tadqiqot majmualari, biznes-inkubatorlar, startap-inkubatorlarni tashkil etish masalalarini ishlab chiqish.
Tomonlar o‘zaro manfaatli bo‘lgan sohalar, jumladan, inovatsion g‘oyalarni ishlab chiqish va tatbiq etish bo‘yicha hamkorlikni yanada chuqurlashtirish bo‘yicha tizimli faoliyat olib borishga kelishib oldi.
Izoh (0)