Singapur AQSh prezidenti va KXDR yetakchisining samolyotlarini hamda ularga hamrohlik qiluvchi samolyotlarni qabul qilish uchun “Payya leba” harbiy-havo bazasidan foydalanishni taklif qilmoqchi, deb yozadi “TASS”.
Mahalliy ekspertlar fikricha, shahar-davlatning shimoli-sharqida joylashgan baza xavfsizlik nuqtai nazaridan mukammal joy hisoblanadi. “Donald Trampning ham, Kim Chen Inning ham atrofidagilar ba’zan xavfsizlik masalalariga o‘ta katta ahamiyat beradi. Shu sababli ham ularning uchrashuvi uchun Singapur tanlangan”, — dedi mutaxassis.
Ekspertlar bu maqsadda Janubi-Sharqiy Osiyodagi eng tirband aeroport — Changi tanlansa, Singapur hukumati xavfsizlik talablarini bajarish uchun uni ikkita delegatsiya uchun uzoq vaqtga yopishiga to‘g‘ri kelishini aytmoqda.
Izoh (0)