G‘azo sektorini Isroildan ajratib turadigan devor yonidagi tartibsizliklar oqibatida o‘nlab falastinliklar halok bo‘ldi hamda 512 nafari yaralandi, deb xabar beradi Meduza.
14-may kuni G‘azo sektorining 15 mingga yaqin aholisi norozilik namoyishiga chiqdi va Isroil chegarasiga qarab yo‘l oldi. Namoyish ishtirokchilari o‘sha yerda isroillik harbiylar bilan to‘qnashdi.
Norozilik aksiyasi Quddus shahrida AQSh elchixonasi ochilishi, shuningdek Isroil davlatiga asos solinganiga 70 yil to‘lishi muniosabati bilan tashkil etildi.
G‘azo sog‘liqni saqlash vazirligi ma’lumotlariga ko‘ra, Isroil xavfsizlik kuchlari falastinlik fuqarolarga qarata rezina o‘q otgan hamda ko‘zdan yosh oqizuvchi gaz qo‘llagan. Halok bo‘lganlardan biri 12 yoshli bola ekanligi aytilmoqda.
Isroil armiyasi Iordan daryosi g‘arbiy sohilida yuz berayotgan norozilik namoyishlariga ham qarshilik ko‘rsatmoqda.
Izoh (0)