Avstraliyaning Osmington shahrida otib ketilgan oila boshlig‘ining so‘zlariga qaraganda, qotillikni oilaning 61 yoshli bobosi amalga oshirgan, u ushbu rejani anchadan buyon tuzib yurgan, deb xabar beradi The Sydney Morning Herald.
Aaron Kokmanning jurnalistlarga ma’lum qilishicha, qaynonasi Sinda Maylzni, sobiq rafiqasi Katrina va uning autizmdan aziyat chekuvchi to‘rt nafar farzandini qaynotasi Piter Maylzni otib tashlagan. Erkakning so‘zlariga qaraganda, Maylzlar oilasi o‘g‘li Piter va Sindi Nil Maylzning kasalligi sabab tushkunlikda yurgan. Sindi Nil Maylzga buyrak ko‘chirib o‘tkazilishi lozim bo‘lgan. Ularning birinchi farzandi 10 yillar oldin vafot etgan.
“Agarda Nilga biror nima bo‘lsa, Katrina bunga bardosh bera olmasdi deb o‘ylayman. Piter va Sinda uchun ikkinchi farzandidan ayrilish juda azob edi”, — deydi Kokman.
Maylzlar oilasidagi muammo qotillik sodir etilishiga asosiy sabab bo‘lib xizmat qilgan. Kokmanning qo‘shimcha qilishicha, u sobiq rafiqasining oilasi bilan bolalar vasiyligi borasida kelishmay qolgan: “O‘shandan buyon menga ular bilan ko‘rishishni taqiqlab qo‘yishdi. Bundan juda ham jahlim chiqdi. Bunga Piter va Sinda aybdor edi”.
Shu bilan birga Kokmanning so‘zlariga qaraganda, Piter Maylz ajoyib inson bo‘lgan. “Men baribir uni yaxshi ko‘raman, biroq ruhiy muammolari… Hayotda shunday odamlar bo‘ladiki, sen ularning yomon tarafi haqida bilging kelmaydi. Gap aynan Piter va Sinda haqida”, — deydi oila boshlig‘i.
Kokmanning ta’kidlashicha, bolalar uxlayotganida o‘ldirilgan va taxminlarga ko‘ra, ular nima bo‘layotganini tushunmasdan, qiynoqlarsiz o‘lim topgan.
Qariya Maylz avvaliga qizi va nabiralarini, shundan so‘ng xotinini otib tashlagan. Keyin esa tez yordamga qo‘ng‘iroq qilib, o‘z joniga qasd qilgan.
Izoh (0)