Ғазо секторини Исроилдан ажратиб турадиган девор ёнидаги тартибсизликлар оқибатида ўнлаб фаластинликлар ҳалок бўлди ҳамда 512 нафари яраланди, деб хабар беради Meduza.
14 май куни Ғазо секторининг 15 мингга яқин аҳолиси норозилик намойишига чиқди ва Исроил чегарасига қараб йўл олди. Намойиш иштирокчилари ўша ерда исроиллик ҳарбийлар билан тўқнашди.
Норозилик акцияси Қуддус шаҳрида АҚШ элчихонаси очилиши, шунингдек Исроил давлатига асос солинганига 70 йил тўлиши муниосабати билан ташкил этилди.
Ғазо соғлиқни сақлаш вазирлиги маълумотларига кўра, Исроил хавфсизлик кучлари фаластинлик фуқароларга қарата резина ўқ отган ҳамда кўздан ёш оқизувчи газ қўллаган. Ҳалок бўлганлардан бири 12 ёшли бола эканлиги айтилмоқда.
Исроил армияси Иордан дарёси ғарбий соҳилида юз бераётган норозилик намойишларига ҳам қаршилик кўрсатмоқда.
Изоҳ (0)