Австралиянинг Осмингтон шаҳрида отиб кетилган оила бошлиғининг сўзларига қараганда, қотилликни оиланинг 61 ёшли бобоси амалга оширган, у ушбу режани анчадан буён тузиб юрган, деб хабар беради The Sydney Morning Herald.
Аарон Кокманнинг журналистларга маълум қилишича, қайнонаси Синда Майлзни, собиқ рафиқаси Катрина ва унинг аутизмдан азият чекувчи тўрт нафар фарзандини қайнотаси Питер Майлзни отиб ташлаган. Эркакнинг сўзларига қараганда, Майлзлар оиласи ўғли Питер ва Синди Нил Майлзнинг касаллиги сабаб тушкунликда юрган. Синди Нил Майлзга буйрак кўчириб ўтказилиши лозим бўлган. Уларнинг биринчи фарзанди 10 йиллар олдин вафот этган.
«Агарда Нилга бирор нима бўлса, Катрина бунга бардош бера олмасди деб ўйлайман. Питер ва Синда учун иккинчи фарзандидан айрилиш жуда азоб эди», — дейди Кокман.
Майлзлар оиласидаги муаммо қотиллик содир этилишига асосий сабаб бўлиб хизмат қилган. Кокманнинг қўшимча қилишича, у собиқ рафиқасининг оиласи билан болалар васийлиги борасида келишмай қолган: «Ўшандан буён менга улар билан кўришишни тақиқлаб қўйишди. Бундан жуда ҳам жаҳлим чиқди. Бунга Питер ва Синда айбдор эди».
Шу билан бирга Кокманнинг сўзларига қараганда, Питер Майлз ажойиб инсон бўлган. «Мен барибир уни яхши кўраман, бироқ руҳий муаммолари… Ҳаётда шундай одамлар бўладики, сен уларнинг ёмон тарафи ҳақида билгинг келмайди. Гап айнан Питер ва Синда ҳақида», — дейди оила бошлиғи.
Кокманнинг таъкидлашича, болалар ухлаётганида ўлдирилган ва тахминларга кўра, улар нима бўлаётганини тушунмасдан, қийноқларсиз ўлим топган.
Қария Майлз аввалига қизи ва набираларини, шундан сўнг хотинини отиб ташлаган. Кейин эса тез ёрдамга қўнғироқ қилиб, ўз жонига қасд қилган.
Изоҳ (0)