Xitoyning Dalyan shahriga 7-may, dushanba kuni maxsus samolyotda KXDRning nomi oshkor etilmayotgan oliy mansabdori, taxminlarga ko‘ra, mamlakat yetakchisi Kim Chen In yetib kelgach, u yerda kuchaytirilgan xavfsizlik choralari ko‘rildi, deb yozadi “TASS”.
Kyodo ma’lum qilishicha, shahar markazida har bir necha metrda politsiyachilar navbatchilik qilmoqda, oliy mehmon joylashtirilgan joyga olib boradigan ko‘cha yopib qo‘yilgan.
Dalyan aeroportida Xitoy rahbariyatining oliy vakillari foydalandigan samolyotlarni ko‘rishgan. Dushanba kuni u yerda oddiy reys laynerlarining uchishi va qo‘nishi vaqtinchalik to‘xtatib qo‘yilgan edi.
Yaponiyaning TBS telekanali mahalliy fuqaro tomonidan olingan, shahar bo‘ylab ketib borayotgan bir nechta qora limuzindan iborat kortej videosini e’lon qildi. Telekanal Dalyanga KXDR yetakchisi Kim Chen In kelgan, deb taxmin qilmoqda.
Izoh (0)