AQShda 13 yoshli bolaning ota-onasi uning organlarini donor sifatida berib yuborishga rozilik berganidan keyin, bola komadan chiqdi, deb yozadi Fox News.
Alabama shtatida yashovchi bola ikki oycha avval treyler tirkamasida o‘tirganida, u ag‘darilib ketib, bolaning boshiga zarb bilan tekkan. Natijada u og‘ir bosh suyak-miya travmasini olgan. Shifokorlar u hech qachon yana normal holatga qaytmasligini aytgan.
Kislorod yetishmovchiligi natijasida bolaning miyasiga zarar yetgani, shu sababli u tirik qolgan taqdirida ham, hayotni ta’minlash qurilmasiga bog‘lanib qolishi ma’lum bo‘lgach, ota-onasi ehtiyojmand bolalarga uning organlarini berish uchun ruxsatnomani imzolashga qaror qilgan.
Ammo bolani sun’iy qon aylantirish qurilmasidan uzishdan bir kun avval u kutilmaganda nafas ola boshlagan, karavotdan turgan va murakkab gaplardan foydalanib muloqot qila olgan. Hozir bola har kuni talvasaga tushadi, bosh og‘rig‘idan azob chekadi. Ammo bola to‘liq tuzalib ketishiga umid qilmoqda.