Toshkent shahar hokimligining ijtimoiy tarmoqlari orqali videolavha tarqaldi. Unda “Xalqlar do‘stligi” saroyi ajoyib video-proyeksiya bilan bezatilmoqda deb xabar beradi “Afisha.uz”.
Shanba kuni, 5-mayda “Xalqlar do‘stligi” saroyi video-proyeksiya bilan bezatilishi ma’lum qilingan. Ijtimoiy tarmoqlardagi muhokamalardan so‘ng, Toshkent shahar hokimiyati o‘z sahifasida videoni joylashtirib bu shahar aholisiga syurpriz ekani haqida ma’lum qilgan.
Eslatib o‘tamiz, Toshkentning Shayxontohur tumanidagi ko‘cha, “Bunyodkor” metro bekati hamda “Istiqlol” san’at saroyiga “Xalqlar do‘stligi” nomi qaytarilishi haqida Prezident Shavkat Mirziyoyev ma’lum qilgan edi.
O‘zbekiston Prezidenti Shavkat Mirziyoyevning taklifi bilan Shomahmudovlar oilasi haykali o‘zining birinchi joyi —Xalqlar do‘stligi maydoniga qaytdi. Qayd etish joiz, haykal qaytishi bahona maydonning nomi ham, maydon oldida joylashgan san’at saroyi va metro bekatining nomi ham o‘zining birinchi nomi — “Xalqlar do‘stligi”ni qaytarib oldi.
Izoh (0)