Тошкент шаҳар ҳокимлигининг ижтимоий тармоқлари орқали видеолавҳа тарқалди. Унда «Халқлар дўстлиги» саройи ажойиб видео-проекция билан безатилмоқда деб хабар беради «Afisha.uz».
Шанба куни, 5 майда «Халқлар дўстлиги» саройи видео-проекция билан безатилиши маълум қилинган. Ижтимоий тармоқлардаги муҳокамалардан сўнг, Тошкент шаҳар ҳокимияти ўз саҳифасида видеони жойлаштириб бу шаҳар аҳолисига сюрприз экани ҳақида маълум қилган.
Эслатиб ўтамиз, Тошкентнинг Шайхонтоҳур туманидаги кўча, «Бунёдкор» метро бекати ҳамда «Истиқлол» санъат саройига «Халқлар дўстлиги» номи қайтарилиши ҳақида Президент Шавкат Мирзиёев маълум қилган эди.
Ўзбекистон Президенти Шавкат Мирзиёевнинг таклифи билан Шомаҳмудовлар оиласи ҳайкали ўзининг биринчи жойи —Халқлар дўстлиги майдонига қайтди. Қайд этиш жоиз, ҳайкал қайтиши баҳона майдоннинг номи ҳам, майдон олдида жойлашган санъат саройи ва метро бекатининг номи ҳам ўзининг биринчи номи — «Халқлар дўстлиги»ни қайтариб олди.
Изоҳ (0)